Nike Flyknit Racer, Flyknit Trainer, 你唔係唔識分掛?

早幾日八卦拎份報紙既副刊睇下(其實好少睇, 因為比歐洲的慢.) 一看就發現貨不對版既出現!

邊份報紙? 唔講啦.

 

 

一對Nike Flyknit Racer, 同一對Nike Flyknit Trainer咁都搞唔清楚? 識睇既, 就一眼睇得出
 

 
1. Contrast Stitching完全唔同啦. Racer的Contrast很大喇.

2. 仲有Racer鞋踭收得曲咁多, 低咁多, Trainer係拉直架嘛.

3. 最後, Racer既Cushioning係只有線紋, 有深坑既係Trainer呀.

 

鱔稿唔係問題, 但係都要做好research先啦, 個model著住對Nike Flyknit Racer出黎, 價值$1399, 你就寫叫人買對$1299既Nike Flyknit Trainer. 兩對唔同既鞋黎. 

 

可能你會覺得我小題大作, 但係對一個Sneakerhead黎講, 真係嬲嬲地, 好唔尊重!

大家買野真係要小心呀! 特別係網上, 得張圖依d!

 

Vega R3 (A850).

唔知大家認唔認識Vega呢個牌子呢? 如果有留意韓國手機既朋友就一定會知道, Vega 係韓國手機市場第三大牌子, 僅次於Samsung同LG兩個大哥, 絕非雜牌或二綫牌子。

今日主角 - Vega R3

今日既主角係Vega R3, 雖然係2012年尾既機王, 但係將佢同現時同價位既手機比較仍然係必勝! 點解咁講? 因為佢推出既時候已經有大量Galaxy S4等今年機王既人性化功能集合, 成為一部真正了解你所需既手機。

Vega R3 首頁

Vega R3 既Lanucher 提供大量空間俾用家自定, 無論係翻面效果定速度, 定Icon既樣, 甚至係虛擬鍵既樣通通都可以改, 自由度比Galaxy Note 3, HTC One, Xperia Z1更大。

單單係Icon Style 已經提供三個款式, 就知道Vega決意要將用家既自由度擴大, 並且了解到虛擬鍵過大既壞處, 提供五款不同選擇俾用家選擇, 認真抵讚!

懸淨控制呢個Galaxy S4 大力宣傳既功能早於R3時代已經有, 有助於我哋用家更好使用我哋部手機, 唔需要下下都落手禁個Mon! :D

最後講講跑分, Vega R3 跑分未有Nexus 4 或Galaxy S4 一樣咁勁, 只有大約16500分, 只能夠算不過不失, 可能係因為預載過多韓國專用Apps所以拖低整體分數。

唔知你認為Vega R3既表現又係點呢? 歡迎各位留言討論!

Nike Flyknit Free

唔知大家對早排對Nike Flyknit Racer, Flyknit Trainer等等仲有冇印象呢?
或者近期d出既Flyknit Lunar Chukka等等既crossover呢?  

Nike Running 又再一次將Flyknit依種技術玩大佢, 為左真正既赤足跑感, 而推出左Flyknit Free.

我個人就認為Nike今次幾個launch colourway都唔係太吸引, 不過照Nike既習慣, 好既colourway應該仲未出場~ 依加俾你新鮮熱辣買左先, 跟住先大玩特玩引你班Sneakerhead, Sneakeraddict去入多對!

鞋既本身就跟有Nike+晶片, 可以track住大家跑步既數據, 不過就算包括埋咁精密既系統, 成對鞋既重量都輕鬆咁係 200 Grams以下!

大家可能見到依對鞋咁薄咁軟, 就認為會好危險, 唔夠保護性, 有機會導致足踝受傷或者對跑姿影響.

但係某程度上現今既跑鞋都越黎越追求赤足既感覺, 或者對大家跑步有正面既影響架!不過大家可以放心既, 因為佢已經成為賽道上唔少跑手既至愛, 例如美國女飛人Allyson Felix等等, 都表示對住對依雙"襪", 讚不絕口!

  

唔知依對Flyknit Free可唔可以好似佢既始祖, Flyknit Racer (到今日亦都仲係本人至愛) 一樣咁取得"大成功"?

不過...就算Nike講到Flyknit有幾好都冇用, 我始終有一個問題：究竟我仲著唔著襪好呢?

EMS 價格上升! :(

韓國EMS服務加價啦! 以後向韓國網購就要俾多D錢... 不過韓國網購有保證，俾多少少都係值得既! 如果向Gmarket掃貨既都仍然有近75折既恆常優惠, 運費就大約由11000 won 升到12000 won. 運費根據新既價格表, 平均加幅有近7%, 去到近17000 won.

Weights(kg)	Rates(won)
	Zone 1	Zone 2	Zone 3	Zone 4	Japan	Hong kong, Singapore	China	Australia	USA	England, Spain, France
up to 0.5	17,100	17,600	23,200	26,500	16,600	16,800	16,800	19,900	25,600	23,100
0.75〃	18,400	19,400	26,500	30,000	17,400	17,700	17,800	23,200	30,200	26,400
1〃	19,700	21,300	29,900	33,600	18,300	18,600	18,800	26,500	34,900	29,800
1.25〃	21,300	24,100	34,400	38,200	19,400	19,900	20,000	30,900	39,800	34,300
1.5〃	22,900	26,900	39,000	42,900	20,500	21,200	21,300	35,300	44,700	38,800
1.75〃	24,400	29,600	43,600	47,500	21,900	22,600	22,700	39,200	50,200	43,300
2〃	26,000	32,300	48,200	52,200	23,300	24,100	24,200	43,200	55,700	47,900

上次加郵費係舊年十一月，唔知大家覺得加幅合唔合理呢? 

Nexus 4

Nexus 4 雖然已經推出近九個月，但不時仍然佔據科技網站既首頁，實在佩服佩服!  近期仲推出左白色，個人就認為隻色麻麻地...

好彩推出前已經入手黑色，早買早享受! 香港買既話要成$3,698, 但係外國就只係需要二千蚊多少少, 爭成千幾蚊!! 慳翻既錢買張機票去旅行都重得, 哈哈!

我個部Nexus 4終於到手!! :D

Nexus系列都唔需要多介紹, 用幾隻字就解釋到, 「親生仔」。用最簡單既Android介面，預載最少既Apps, 不過勝在價錢實惠, 吸引到唔少捧場客就更加不在話下。

背面既特色貓眼

 上圖就係Nexus 4十分誘人既背面，貓眼設計將光折射，令到機背唔會平平無奇，千篇一律，抵讚!!

短短用左兩個月，整體表現都唔錯，亦到十分暢順，冇乜lag機。唯間中會無端端重新開機，同連唔到WiFi, 有少少不滿, 尤其係趕住用Apps既時候更加嬲。

呢個實惠價錢仲有唔少代價，例如無咗原廠耳筒等等... 值唔值就個人見解啦，有人會話值，有人會話唔值，唔知你又點睇呢? 向下面留言區講下啦! :)

Samsung Galaxy S4… 心‧得

話咁快Galaxy S4就出左一個月，唔知又有幾多人入手呢? 雖然同期有HTC 既One同Sony既Xperia Z競爭, 但係銷量話咁快就衝破五百萬，到底Samsung既新機係咪真係咁正?

同現時所有旗艦機一樣, S4 坐擁住5吋Full HD 螢幕，4G LTE 同高解像鏡頭, 但係S4 係分左兩個版本, 八核(3G版)同四核(4G版)，但上網睇各大評測都認為4G版較好, 所以我都入手一部4G版 :)

第一次拎上手就會發現未插電既時候真係輕到好誇張, 仲輕過dummy機咁, 就算插左電都好輕, 可能係我習慣左我之前部Xperia S既關係啦

 

如果唔加殼既話, 你會感覺到S4好薄, 不過又輕又薄係好定壞就因人而異喇, 我個人就幾鐘意

效能上有幾勁幾快就唔講啦, 不過有樣野確實要讚下既, 就係舊電喇

特別係四核加LTE網絡, 加上我平時既聽歌, 打機, IG, Facebook, 分分鐘半日就冇電喇

但係S4有2800mah, 如果唔用到機不離手既, 基本上唔一定需要外置電!

見到大家用Samsung機都好鐘意用Smart Cover, 我又試下啦, 不過我自己就唔太鐘意, 特別係街上, 或者拎住野要單手操作, 真係隨時飛部S4落地呀....

Gesture control同eyeball tracking係今部"機王"重大買點
我想讚既, 係gesture control, 想彈既係eyeball tracking

Gesture control反應好好, 就有glance mode, 只要開左, 部機放係台面, 就可以揮下手, 就俾晒時間, 電量同所以notification你睇, 唔需要成日拎起佢睇

Eyeball tracking就因為反應一時一樣, 我就覺得麻麻, 得個browser既auto scroll 係好既, 有時睇片就會傻傻地, 又停又開, 可能我隻眼太細掛..

總結
如果講到Galaxy S4唔換唔得既, 就真係誇張左d既, 不過, 如果想要一部滿足到你既需要, 仲會不時有額外驚喜既手機S4係你既好選擇
當然, 價錢係一個因素, 但係上得我地blog, 睇開靚野, 追得潮流既你地, 應該問題唔大, right?

失戀自作業

奧斯卡頒獎典禮完結之後，我第一套睇既戲就係由最佳女主角Jennifer Lawrence 擔正既失戀自作業，故事雖然相對太戲劇性，但拍攝手法及演員既演技就絕對值回票價! 各個演員既演出都完全入形入格，完完全全好似真實故事一樣!

失戀自作業 Poster

故事講述男主角Pat受前妻婚外情影響，變得奇怪，但當佢遇到女主角Tiffany之後逐漸解開心結...接住? 梗係你去發掘啦，我點會講曬俾你聽wor :) 大家又覺得呢套戲點樣呢? 觀迎大家向下邊發表意見!

NBA All Star Weekend - LBJ

今季NBA All Star Weekend已經開始build up緊喇, 所以我地今期就借住依個機會黎解剖一下LeBron, Kobe, KD三條主線, 當然, 唔會少得Hyperdunk, Hyperfuse, Jordan等等啦!

黎到LBJ第10代既Signature, Lebron X. 依位現任MVP, FINALS MVP, NBA CHAMPION, OLYMPIC GOLD MEDALIST, 係2012年取得既成功, 鐵定左自己巨星既地位. 不得不承認, 層經收盡批評, 因離開Cleveland而被講成叛徒既LBJ, 就算唔係籃球界最強, 都一定數一數二了.

Lebron依條line一路都冇乜令大家失望, 每年都起碼會有一, 兩個colouway會迷倒大家, 今年又點會例外? 個人覺得最正既有Black Suede PE, Infrared PE, Prism, 同Home (即係Miami Heat既 Home colourway)

因為Black Suede同Infrared都係PE (Player Exclusive) 所以得In Game Shots.

Lebron X Prism

Lebron X "Miami"

最俱heat既一對Lebron X點可以唔提到 Lebron X Cork架, 未知推出既日子, 只係見過大帝自己著過就個個瘋癲晒. 一出應該又比人炒到飛起喇... 呀, 仲有對Denim版.

有價有市既 Cork

依張係Lebron自己Post係Twitter既靚相黎~

今年All Star Game, Lebron將會著依對主色為紫色, 滿佈3M點既戰靴上場, 參加佢第9次全明星賽!

Lebron X All Star

 

大家唔好唔記得, 依加只係球季既半程, 黎緊仲有大把時間, 相信好戲仲係後台, 十分值得大家去期待黎緊既Colourway!

有意見既各位Sneakerhead, 歡迎你地係樓下comments一齊討論下!