New Year Wardrobe — 下身

上一篇就同大家講過上身既準備喇, 如果錯過左既就返轉頭望望先啦, 因為今日同大家分享既會係下身, 長褲, 短褲甚至Leggings. 天地, 日月, 晝夜, 寒暑, 男女, 黑白, 上下, 所有野都係互補不足, 互相克制, 唔好覺得你已經執正左上邊就唔需要理下邊. 正正就係因為你已經下左決心要搞好個形象佢, 你就要完整咁做好佢, 上身下身一齊做.

長褲, 一條Blue Jeans又係必須架喇, Slim Fit, 最係要埋所謂既Selvedge, 因為褲內車邊會更靚, 準備日後可以試下Roll腳. Roll返兩下, 加對Boot, 或者 Chukka就完成喇.

普通既長褲, 都係Slim Cut, 如果搵既英文係Chino, 望落好Smart, 最好就有兩條唔同色, 黑色, 奶茶色(卡其) , 酒紅色, 咁就冇錯架喇一定. 依個就加埋對Flyknit(Sorry, 個人喜好, 真係睇得又打得, 要推一推), 或者要Dress Up既, 咪著對皮鞋囉.

 短褲, 唔好諗住一定好hea, 其實短褲都可以好斯文既, 一條灰色既西裝短褲, 上面加件Casual少少既裇衫, 就算炎炎夏日, 都可以好Cool. 其實依隻短褲你記住同上邊提過既Chinos一樣著法就啱架喇, 只係因應溫度而改變長短者.

 另外加多條普通既黑色潮流短褲, 波鞋, 加件Tee, 又係一套好既Street wear啦. 簡單一件Tee,

黑短褲, Clean, White既波鞋, 咩波鞋? 白噴吧, White Foamposite One係我個人之選, 全白Air Force One, Stan Smith依d, 太簡單喇, 唔係我既作風.

如果想玩玩新意思既, 就可以玩下Cuffed既jogging bottoms, 所謂Cuffed既意思者係修左褲

腳但係條褲本身係鬆身既, 另外一個選擇就係著Leggings喇, 加埋對簡單既布鞋, 啱晒走係潮流最前既你!

黎到依個位, 好似講左好多件衣物咁, 如果跟住我買已經有20件左右, 但係同我地初期目標30件, 仲有一段距離, 分分鐘要諗下點先夠數... 不過, 依個係我將所有野都分析到最最最Basic架者, 當然要自己考慮下自己既Style, 再加以演譯.

雖然鞋我都大概咁講過下, 不過下一期都會同各位詳盡咁講解下, 仲有其他飾物, 等緊我既同時可以留個言, 大家交換下意見, 又可以禁個掣, Subscribe我地. 仲可以過我地Instagram (@installhk), 睇下不同種類, 世界各地既靚貨!

New Year Wardrobe — 上身

新既一年, 新既開始, 我想係依度同大家交流下, 點樣係有限既空間(衣櫃) 同資源(錢) 之下, 都可以建立到適合唔同季節, 場合等等既配搭, 保持新鮮感, 同形象.

我曾經聽過有人話, 一個男人可以全個衣櫃得30樣野, 包括晒由底到面, 就已經可以走天涯.

  

基本野先, 唔同色既淨色T-Shirt黑, 白, 灰, 深藍係最basic, 再加上一d大膽既例如粉紅, 紫色, 橙色等, 咁你無論就咁著, 定係著係低做layering都可以有不同既原素, 唔需要咁單調. 有短袖都唔可以唔要長袖既, 長袖都要有, 有圓領又要有V領喎, 唔係咁你樣樣都要起雙起三咁買, 黑色短袖圓領一件, 黑色長袖圓領一件, 黑色短袖V領一件, NO NO NO! 總之要有variation, 有balance, 咁就得架喇.

男人唔可以唔識得點carry一件裇衫, 你既衣櫃入面一定要有啱不同場合既style, 仲有長袖, 短袖, 淨色定有花, 都要有唔同. 而且, 你一定要清楚自己咩size, 15同15.5都可以差好遠. 15可以令到你變身成為一個有taste既gentleman, 多左半碼, 你可能變身成著住Daddy既衫係度扮大人咁. 其實所有衫都係, 如果真係好講究, 非常認真既, 應該自己有個相熟既改衫師父, 幫你做Tailoring.

一件白色, Formal少少既Dress Shirt唔少得, 因為男士們一定要有套suit係手, 學校presentation, 搵工interview, 返工, 或者親戚朋友有喜要去飲, 都見得人嘛. 短袖裇衫, 夏天要smart casual唔少得, 又係, 淨色同有花都要有, 更加不彷bold d, 玩下Floral, 或者Tribal Print, 未咁有信心既, 咪買返普通既格仔囉, 不過記得, 今年會興粗, 大既格仔. 而長袖裇唔需要太多, 因為開始凍既時候, 你可以著件T Shirt係低, 撞埋色, 玩埋Layering. 再凍d, 著埋以下依件衫, 人地都睇唔到你係咩袖啦!

去到外套, 要有…唔係, 係必要有件Blazer, 唔好諗住係套suit到個件, 個個係Suit Jacket, 我講緊既係Blazer, 膊頭有padding個隻, 單薄d既, 個cutting冇咁直個種, 依個style稱為”Deconstruct”. 有左件Blazer, 就算入邊係普通T Shirt, 著左上去都即刻睇落好Smart, 好man.

Blazer最好係深藍色, 因為係最百搭.

好, 基本既上身講到依到, 黎緊我會討論埋下身, 鞋, 同其他飾物, 等緊我既同時可以留個言, 大家交換下意見, 又可以禁個掣, Subscribe我地. 仲可以過我地Instagram (@installhk), 睇下不同種類, 世界各地既靚貨!